Gasa gikan sa Bala-an nga Bata

(Hulagway gikan sa http://www.suspensionofdisbelief.wordpress.com)


Usa sa pinakahinama’ng selebrasyon sa mga Sugbuanon gawas sa Pasko ug Bag-ong Tuig ang pag-abot sa Buwan sa Enero kung diin saulugon sa mga Sugbuanon ug sa mga silinganang mga dakbayan ug lalawigan sa Sugbo ang kapiyestahan sa Balaang Bata,ang batang Jesus, si Senyor Santo Niño. Libuan ka mga deboto ang mudagsa matag-tuig dinhi sa Siyudad sa Sugbo aron masinati ug mahimamat ang kasadya sa selebrasyon nga ihalad alang sa kabalaan ug katakos sa Batang Jesus. Human sa pipila ka mga tuig nga wala mabati ang tingog sa mga kampanana sanglit naguba man ang kampanaryo sa dihang miigo ang linog niadtong 2013, nibagting na kini pagbalik ug gihangup na usab sa mga deboto ang imahe ni Señor Santo Niño duyog ang lanog nga singgit: “Viva, Pit Señor!”.

Ang pagsaulog sa Fiesta Señor usab nag-abli ug naghatag ug dagkong opurtunidad ngadto sa mga Sugbuanon labi na gayud sa mga balay-patigayon nga anaa mahimutang gawas sa Basilica Minore del Sto. Niño. Si Nanay Amparo Rizada,76 anyos ug 36 na ka tuig nga namaligya gawas sa Basilica.

Mao na lamang kini ang kabilin sa iyang mga nitaliwan na nga ginikanan nga kanhi mamaligyaay ug kandila. Sa pagdagan sa panahon, napalambo na kini ni Nanay Amparo ug napun-an na ang iyang mga baligya sama sa mga sinina ug kapa ni Senior Santo NiÑo, mga rosaryohan, mga basahon sa novena,ug pipila ka mga santos nga ginama sa kahoy nga anaay managlahing presyo depende sa klase niini. Giangkon niya nga lisod gayud ang pagpanginabuhi labi na gayud nga gagmay pa ang iyang mga anak human siya mabiyuda. Siya nalang ang nag-inusarang nagpadako sa iyang mga anak. Bisan paman sa kaliaud sa kinabuhi, iya kining gihimong hagit aron mas magkugi pa siya sa matag adlaw nga tinguha aron matagaan niya ug maayong ugma ang iyang mga anak. Tuod man pinaagi sa iyang pagpaningkamot ug kakugi, nakalampos ang iyang mga anak sa pagtungha sa kolehiyo. Dako kaayo ang iyang pasalamaat kang Señor Santo Niño. Karon, bisan paman nga pamilyado na ang iyang mga anak, wala gihapon kini nila talikdi si Nanay Amparo ug gitabangan hinuon nila kino sa pagpaninda. Matud pa ni Nanay Amparo, mapasalamaton siya kun muabot na ang Fiesta Señor kay mas mudaghan ang ilahang customer. Bisan paman sa gilay-on sa ilahang balay sa Minglanilla dili kini igsapayan ni Nanay Amparo kay giisip ni niyang sakripisyo aron naa siya’y magamit sa inadlaw nga panginahaglan. Bisan paman sa katiguwangon ni Nanay Amparo, malipayon siya sa iyang naabot para sa iyang pamilya ug alang niya lisud na niyang biyaan ang pagpaninda gawas sa Basilica kay mao man kini ang nibuhi sa iyang pamilya.

“…Grasya gikan ni Senyor Santo Niño? nakahuman ug nakalampos gyud ang akong mga anak sa pag-eskwela..lisud gyud kaayos tanan… Hinay-hinay lang…dala sa pag-ampo sa Ginoo ug pangaliya kang Senior Santo Niño.”

Usa lamang si Nanay Amparo Rizada,sa pipila ka mga Sugbuanon nga nagkugi, nangaliya ug nagsimba kang Senior Santo Niño. Nagpadayun ang iyang pagsalig sa Batang Jesus aron giyahan siya kanunay sa pagpakigbisug sa inadlaw niyang panginabuhian. Ug karon tam-is na niyang natagamtam ang singot sa iyang paningkamot ug anaa na sa iyang mga kamot ang mga gasa nga gikan sa Balaan’g Bata.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s