Hang-gap

P.O.V.:

Nisidlak na ang adlaw. Lain na usab nga adlaw sa pag-antus niining akong sakit. Usa nako ka tuig nga na-diagnose nga naay sakit sa baga. Usa na sab ko katuig nga nagtago niining suok sa akong kwarto. Wala na ko kakita ug unsa’y kalibutan. Kung green ba gihapon ang mga tanum, kung colorless ba gihapon ang tubig, ug blue ba gihapon ang langit?

Ang akong igsuon, imbes nga mu-eskwela ania sa akong kiliran. Nag-atiman nako. Bisan akong mga ginikanan gisalikway nako sa akong mga bisyo. Dili nako sila mabasol. Gihatagan ko nila sa tanan nakong gusto. Gipaeskwela kog tarong. Nitalikod ko sa akong mga reponsibilidad ug nakalimot ko sa akong mga damgu.

Sama niining tanum, wala siya nahayagi sa adlaw. Wala siya nakahanggap ug lab-as nga hangin. Bisan pa kung imong bisbisan, malawos gihapon. Wala na siya kaginhawa. Wala na siya’y hangin. Wala na siya’y rason para mabuhi. Sama nako, buhi ko pero nagkaanam kahurot akong kusog. Nagkaanam ug kaluya akong lawas. Huot kaayo akong dughan. Muginhawa ko pero wala ko’y mahanggap nga hangin. Asa na ang hangin nga kanhi nagsulud-gawas sa akong baga? Hain na ang hangin nga mibuhi sa akong bisyo? Hain na ang hangin nga tanang tawo gikinahanglan? Wala na ko’y mahanggap. Patay na akong sistema. Wala nay nagdala sa akong dugo sa tanang parte sa akong lawas. Hapit na ang akong kamatayon.

Uwahi na ba ang tanan para nako? Mao na ba gyud ni ang katapusan sa akong kinabuhi? Ako mismong mga kamot ang mihinay-hinay ug kutlo sa akong kinabuhi. Tungod sa akong bisyo ug panigarilyo nipadulung tanan sa akong lawas ug sa hangin dinhi sa kalibutan. Pipila nalang ka adlaw ang nahibilin. Hangyo nako nga sa uwahing adlaw dinhi sa kalibutan, mugawas ko ug muginhawa ko ug hangin bisag hugaw. Ang hangin nga ako mismo ang midugang sa iyang kaitum. Ang hangin nga mao’y mahanggap sa mga matawo sa sunud henerasyon. Pasayloa ko, Ginoo. Kung kining maong hangin nga akong gihanggap karon ang mukutlo sa akong kinabuhi, puwes andam ko. Andam kong hanggapun kini, kay kahibaw ko nga ako ang nagmugna niini.


(Disclaimer: Kini usa unta ka screenplay alang sa Green Screen Film Festival sa Cebu Normal University apan wala namu napadayun tungud sa ka-apiki sa panahun)

(Hulagway gikan sa net)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s